4187/2023-2024

LUNGLEI; the 15th, March 2024: Vawiin khan World Consumer Rights Day 2024 Cum Awareness Campaign pualin Administrative Training Institute (ATI), Mizoram; Deputy Commissioner Office, Lunglei leh Lunglei District Consumer Association (LDCA), tangkawpte buatsaihin Lunglei Govt. College Multipurpose Hall-ah hman a ni. Pu James Miahlung, Addl. Deputy Commissioner, Lunglei chu khuallian a ni. Kumin thupui atan " Fair and Responsible AI for Consumers" tih hman a ni.

He hun hi LDCA President Pu JL. Hmingthanga'n a kaihruai a, khuallian Pu James Miahlung chuan thil leitu ten kan dikna leh chanvo kan humhalh ngam loh avangin thil nasa tak kan chan thin a, Consumer te kan dawizep vang leh kan chak loh vang niin a lang tiin dik tawk lova sumdawngten kan sum leh pai an ei tam tak a awm thin a, kan chanvo kan humhalh a huaisen taka kan chet a ngai tawh a, hetiang ti lova kan ngawih ral hian sual kan vulh lian a lo ni a ti. Online a thil chah chungchang pawh a thlentu tur ten chhuanlam hrang hrang siama pangngaia an thlen loh awm thinah te pawh kan dikna humhalh chunchangah kan thanharh a hun hle a ni a ti a, heng kawng ah te hian ngawih chuh lovin kan hotute hnenah thlen ang u a ti a,  Village Council emaw Local Council level te pawn LDCA hi hmang tangkai turin a chah a ni.

He hun a Resource Person Dr. B. Ramngaihawma, Asst. Professor, Lunglei Govt. College chuan Artificial Intelligence chungchangah zirtirna a pe a ni.

Chawhnu hun hi Pu B. Tlangdingliana, Assistant Director, ATI, Aizawl kaihhruaiah  Pu Lallunghnema, Chairman, Centre for Consumer Education chu Resourse Person niin thil leitu te tana hriat tur pawimawh hrang hrang danin a humhalh dan leh an dikna chanvo humhalh dante bakah harsatna an tawh thulh a hmalak dan turte a zirtir a ni. Zawhna leh chhanna hun hman a ni bawk.

World Consumer Rights Day 2024 Cum Awareness Campaign-ah hian Sr. Chief Medical Officer, Lunglei buatsaihin Non Communicable Disease(NCD) Free Clinic neih a ni.