1175/2023-2024

Khawzawl, 18th July 2023: Vawiin khan Khawzawl District chhunga Village Council By-Election neihna tur Lungtan khua Final Electoral Roll chu Khawzawl DC Conference Hall-ah Khawzawl District Deputy Election Officer Pu Lalfakzuala chuan a tlangzarh.

He hunah hian thu sawiin Khawzawl Additional DC Pu Lalfakzuala chuan inthlan chu Democracy lungphum pawimawh tak a ni, a ti a. Lungtan VC By Election mai bakah kumin kumtawpa inthlanpui lo awm turah pawh Khawzawl District chu vote tlak thatna hmun ni se a duh thu a sawi a. Kalkhawmte chu anmahni zawn theuhah tan la turin a sawm a ni.

Vawiina Lungtan VC By-election Final Electoral Roll tlangzarhin a tarlan danin tun dinhmunah Lungtanah hian vote nei mi 462 an awm a; heng zinga 224 hi mipa niin, a bak 238 te chu hmeichhia an ni a. Vote nei thar mi 18 awmin, roll atanga paih mi pakhat an awm a. VC member boral ta hmun ruak (General seat) pakhat hnawhkhat turin By-Election hi neih a ni dawn a ni.

Draft electoral roll hi June ni 26 2023 khan tlangzarh a ni a. Special Summary Revision Final Roll January ni 13 a tih chhuah chu Draft Electoral Roll-ah rin a ni. June ni 27, 2023 atanga July ni 11, 2023 thlengin thu thlen duh neite tan ‘claims & objections period’ hawn a ni a, hemi hun chhung hian July ni 1, 2023 a kum 18 tling chin tan roll-a inziaklut tura dilna leh thu thlen duh neite tan hun hawn a ni a. July ni 17, 2023 thleng khan dilna lut leh siamthat tulte hearing kaltlanga chinfel niin vawiin khan VC election neih huna hman tur Final Electoral roll chu tlangzarh a ni.

Vawiin Electoral Roll tlangzarhna hunah hian Khawzawl SDO (Sadar) Pu Vabeimozachhi Chozah, Election Officer Pu Timothy R. Lalhmangaiha, SDC Pu Elijah LH Sanga te bakah Political Party aiawh te leh MPF hruaitute an tel a ni.