1174/2023-2024

Aizawl, 18th July, 2023 : Mizo Cultural Artistes' Association (MCAA) in kum 25 a tlin lawmna atana Art & Culture Department leh MCAA tangkawp buatsaih "MCAA Silver Jubilee Chheihlam Intihsiak-2023" chu vawiin khan a hmawrbawk a ni a. Top-10 intihsiakna Vanapa Hall-ah neih niin Art & Culture Minister Pu R. Lalzirliana'n khuallian niin a hmanpui.

Lawmman semna hun hmanpuitu khuallian Pu R. Lalzirliana chuan MCAA in kum 25 an tling chu lawmpuina hlanin thang zel tur leh mizo hnam lam leh zaite humhalha chawinung zeltu ni turin duhsakna a hlan a. Mizo hnam lam leh zaite hi mizote min tipumkhattu leh hnama kan chian lehzualna tur atana pawimawh tak a ni a ti a. Mizo hnam lam leh zai reng reng hi sum lem pai peipunna atana hman tum kher lo va, mahni insenso zawk huama midangte hnena pholan duhna rilru kan neih hian kan hnam a dam ang a ti a ni.

Intihsiakna hi Pu K. Lalruala, Dy. Director Pu K. Lalruala'n a kaihruai a, Result puan inkhawm hi Pu Gen Kha Do, Joint Director, Art & Culture Department in a kaihruai thung a ni.

Intihsiakna ah hi category chihnih - kum 16 hnuai lam leh kum 17 chung lam a then a ni a. heta tel duhte hian an lam lai video footage chu organising committee hnenah an thehlut a, heta tang hian category hnih atana top 10 ve ve hi thlan niin vawiin hian intihsiakna pui ber chu neih a ni ta a ni.

Kum 16 hnuai lamah hian video 20 thehluh a ni a. Kum 17 chung lamah hian video 33 thehluh a ni a. Intihsiakna hi chihnih - hla rang leh hla muang hmanga neih niin, vawiin intihsiakna a a titha thlan chhuahte chu :

Kum 16 hnuai lam :

Pakhatna - C. Laldintluanga & PC Lalremsangi, East Lungdar
Pahnihna - F. Lalhruaitluanga & Lalrinpuii, Saihnuni Sailo Memorial School, Bungkawn, Aizawl
Pathumna - Lalruattluanga leh Vanlalhmangaihi, St. Mary's School, Aizawl.
Consolation Prize hi Isaac Vanlalduhsaka & Lalmuankimi, Sairep, Lunglei district leh PC Lalruatfela & F. Vanlalhlimpuii, East Lungdar ten an dawng a, lawmman atan tangkafai Rs 2000/-, trophy leh citation an dawng a ni.

Finalist dangte chu :

hla rang leh hla muang

Chuauthanzama & Lalhmangaihsangi, Mamit Dinthar, Samuel Lalrinngheta & Lalrinawmi Tlau, Ainawn Veng, K. Lalruatfela & Sofia K. Laltlanhlui, St. Mary's School, Aizawl, K. Lalruathlua & Lalramchuani, MCC, Vaivakawn, Alex Lalremzuala & Malsawmzeli, Thanglailung, Saitual district an ni a, chawimawina thuziak hlan theuh an ni.

Kum 16 hnuai lam intihsiaknaa mipa lam thiam ber chu F. Lalhruaitluanga (kum 8), Saihnuni Sailo Memorial School, Bungkawn, Aizawl niin hmeichhia lam. thiam ber chu Lalhmangaihsangi, Mamit Dinthar a ni.

Kum 16 hnuai lam inelnaa lawmman Pakhatna hian tangkafai Rs 10000 + trophy & chawimawina thuziak a keng tel a. Pahnihna hian tangkafai Rs 7000 + trophy & chawimawina thuziak a keng tel a. Pathumna hian tangkafai Rs 5000 + trophy & chawimawina thuziak a keng tel a ni.

Kum 17 chung lam :
Pakhatna - Vanlalrinnunga College Veng & Jenny Lalnunthari, Dinthar, Aizawl ve ve
Pahnihna - Lalduhawma, College Veng & Lalhruaitluangi Hnamte, Khatla South, Aizawl ve ve
Pathumna - James Lalsangliana & B. Hmingthanmawii, Thanglailung, Saitual district
Consolation Prize hi PC Zaihmingliana, Vaivakawn & Lalsangzuali Sailo, Dinthar, Jimmy Lalrinkima Republic Vengthlang & Belinda Lalnunfeli Hauhnar, Chhinga Veng ten an dawng a, anni hi Rs 5000/-, trophy leh chawimawina thuziak hlan theuh an ni.

Finalist dangte chu :

Dr Lalhriatpuia, Mission Vengthlang & L. Hmingmuanawmi, Reiek, Lalpeksanga &Lalhmangaihsangi leh Bualdim Cultural Club, PTS, Thenzawl, Lalthanpuia & Lalramchuani, Thingsiri Cultural Club, Govt.T. Romana College, C. Lalnghakliana & PC Vanlaltlankimi, Saichal, Saitual district, B. Vanlalawmpuia & Elizabeth Biakthianghlimi an ni a, chawimawina thuziak hlan theuh an ni.

Kum 17 chunglam intihsiaknaa lawmman Pakhatna hian tangkafai Rs 30000 + trophy & chawimawina thuziak a keng tel a. Pahnihna hian tangkafai Rs 20000 + trophy & chawimawina thuziak a keng tel a. Pathumna hian tangkafai Rs 15000 + trophy & chawimawina thuziak a keng tel a ni.

Kum 17 chung lam intihsiaknaa mipa lam thiam ber chu Vanlalrinnunga, College Veng, Aizawl niin hmeichhia lam. thiam ber chu Jenny Lalnunthari, Aizawl Dinthar a ni a. Chawimawina thuziak hlan an ni.

Result puanna inkhawmah hian Pu Lalhmangaihkima, President, MCAA leh Pu David Lalrindika, Vice-President, MCAA ten thu an sawi bawk a. Chief Judge Pi Lalrindiki'n intihsiakna endik a nih dan leh thil pawimawh dangte a sawi a, khuallian Pu R. Lalzirliana'n lawmman a sem a ni.

Mizo Cultural Artistes' Association (MCAA) memberte hi Art & Culture Department hnuaia mizo hnam lam zir chhuakte an ni.