Vawiin khan Mizoram Engineering Service Association (MESA) General Conference vawi 31-na chu Tourist Lodge, Chaltlang-ah neih a ni a, Parliamentary Secretary Pu Lal Thanzara chu Khuallian a ni.
Conference hawnna inkhawm MESA Vice-President Er. Vanlaltlana kaihhruai ah Khuallian Pu Lal Thanzara chuan mipui rorelna democracy-ah chuan thlan lal ten rorel thin mahse thiamna tak tak, a bik takin technical lamah an nei ngai lova, hmasawnna hna reng reng 90% lai chu engineer leh mithiam bikte kutah a awm zawk thin a ni, a ti. Mizoramah pawh eng, tui, kawngpui leh in sak lamah pawh hmachhawp lian tak tak kan neih mek te hi kan mithiamte zarah tih puitling kan beisei a ni, a ti. Hmasawnna hlawhtling leh tlo nei tur chuan hna vil (supervision) ngun a pawimawh ber fo ang, Parliamentary Secretary chuan a ti bawk.
MESA Conference-ah hian kum kalta chhunga an hmalakna hrang hrang report engemawzat ngaihthlak niin an pawl inrelbawl chungchang leh an kal zel dan turah thu pawimawh engemawzat rel a ni a. Vawiin hawnna inkhawmah member thar te lawmluhna nei nghalin, kum 2011-2013 MESA hruaitu thar thlanna an nei bawk a ni.
MESA Conference-ah hian kum kalta chhunga an hmalakna hrang hrang report engemawzat ngaihthlak niin an pawl inrelbawl chungchang leh an kal zel dan turah thu pawimawh engemawzat rel a ni a. Vawiin hawnna inkhawmah member thar te lawmluhna nei nghalin, kum 2011-2013 MESA hruaitu thar thlanna an nei bawk a ni.
