Sawrkar Laipuia Parliamentary Standing Committee on Chemicals and Fertilizers member 20 leh anmahni tawiawmtu officer 5 te chuan naktuk 16th July 2010 (Zirtawpni) hian zankhat riakin Aizawl an rawn tlawh dawn.
MP rual te hi Mizorama lei tihthatna (fertilizers) dinhmun leh Mizoram in a mamawh dan zirchiang tura rawn kal an ni a, naktukah vek hian Sihphir Vengthar YMA Hall-ah loneitute nen inkawmin khaw awmdan azirin Sihphir bulhnaia huan leh lo thenkhatte an tlawh nghal bawk ang. Tlaiah Mizoram Sawrkar officer liante nen State Guest House-ah an inkawm ang a; Pu H.Liansailova, Agriculture Minister-in State Guest House ah an pualin zanriah a buatsaih ang.

MP rualte hian naktip 17th July, 2010 (Inrinni) hian Guwahati panin Aizawl an chhuahsan ang.