Vawiin hian Central YLA Hall ah Lawngtlai District Legal Service Authority leh LADC Education Department tangkawp chuan LADC hnuaia Middle School zirtirtute pualin Dan Zirna Seminar an buatsaih.

He Seminar hi Pu L. Lawmkima, EM LADC i/c Social Welfare Department chuan telpuiin zirtirtute puala Dan chungchang zirna Seminar an buatsaih chhan leh zirnain hma a sawn zel theih nana hmalak an tum dante a sawi a, zirtirtu kalkhawmte chu khawkhat parawn ber an nih zel avanga dan hriatna lama hma an sawn a tul zia a sawi a ni.

He Seminar ah hian District Legal Service Authority Secretary leh Lawngtlai Chief Judicial Magistrate ni bawk Pu Laldinpuia Tlau chuan Lok Adalat chungchangte, Court in thubuai a kalpui dante leh sawrkar hnathawkte enkawlna dan te zirtirna pein Pu S.T Ramchhuanmawia, Advocate chuan Right to Education te, Corporal Punishment chung change leh Anti- Ragging chungchangte zirtirna a pe ve bawk. Heng thupui hrang hranga an zir atang te hian zirtirtu kalkhawmte chuan zawhna hrang hrang zawtin an thil lo tawn tawhte inhrilh tawnna hun an hmang a ni.