Vawiin chawhma dar 10:00AM khan  DC’s  Conference Room-ah kan hma lawka MADC inthlanna-a hman tur Final E/Roll ,2017 chu Pi Harleen Kaur IAS, District Election Officer leh District Bawhsap ni bawk chuan  a tlangzarh ta. Final E/Roll tlangzarhna inkhawm hi Pi Marilyn Rualzakhumthangi, Election Officer leh SDO(S) ni bawk chuan a kaihruaia, Pu N.Chakhai ERO leh Addl DC ni  bawk chuan E/Roll buatsaih dan chungchangah report a pe a, Pu VL Hruaizela Khiangte, ERO leh PD, DRDA ni bawk chuan “ Awareness of Political Parties & Voters” tih thupui hmangin thusawiina hun a hmang  bawk. Final E/Roll tlangzarh tak copy hi Political Party hrang hrang aiawh lo kal khawm te hnenah a Hard leh Soft Copy in DEO hian a hlan tel bawk a ni.

Pi Harleen Kaur chuan Final E/Roll tlangzarh-ah thu sawiin, Final E/Roll felfai tak,  a hun taka tlangzarh theih a a awm hi Political party te leh Election Official te tawhhona that vang leh thawhrimna vang a ni a. Mipui  leh Political Party ten Election Official te min tawiawm that phawt chuan MADC Election-ah hian Free leh Fair Election a awmdawn a ni, tih ka tiam ngam a che u, a ti bawk.

Vawiina Final E/Roll,2017 tlangzarh takah hian MADC huam chhungah Constituency 25 awmin, Polling Station 80 a awm a. Voter 37092, Mipa Voter -17969 leh Hmeichhia Voter-19289 an awm mek a ni. Voter tlemna ber Constituency chu  Tokalo Constituency niin, Voter 922 an awm a, Voter tamna ber chu New Siaha-II niin, Voter 2530 an awm a ni. Voter te Sex Ratio hi 2011 Census-ah khan 976 niin, kumin 2017 Final E/Roll-ah erawh chuan 1073 a ni thung. Voter tlemna ber Polling Station chu 3/5- Supha niin, Voter 68 an awm a, Voter  tamna ber Polling Station chu 22/3-New Siaha-I a ni a, Voter 846 an awm thung a ni.

Draft E/Roll Published a nih hnu a, Claims & Objects hun hawn chhung khan Voter 489 thun thar an ni a, Voter 323 paih an ni thung a. Draft E/Roll-a Voter zat chu 37092 an ni a, Final E/Roll-ah erawh chuan Voter 37258 an awm thunga, Draft atanga Final-a Voter punna hi Voter 166 a ni a, chu chu 0 .45% a ni.

Vawiin Final E/Roll Publihsed-na inkhawm tawi hi Pu S.Kaptluanga, AERO leh BDO Siaha RD Block ni bawk chuan  lawmthu sawina in a khar a ni.