Sub-rule (1) of Rule 3 and Rule 36 & 37 of the Mara Autonomous District Council (Election to Village Councils) Rules, 2014 Ieh Section 3 of the Lakher Autonomous District (Village Councils) (Amendment) Act, 2013 in inthlan buatsaih tur a thuneihna a pek ang in State Election Commission, Mizoram chuan a hnuaia tarlan Village Council thiah, member bang Ieh member tanglai boral an awm avang Ieh Village Council thar atana hmun ruakah te hian By-Election ni 31^st January, 2020-a neih turin a puang a ni. 

1.         Electoral Data :- Mara Autonomous District Council hnuaia Village Council 5 (panga) -ah hian ni 1.1.2019 qualifying date-a hmangin, ni 6.12.2019 atanga ni 15.12.2019 chhung khan Electoral Rolls ennawnna hna thawh a ni. Final Electoral Rolls hi ni 16.12.2019 khan tihchhuah a ni a, vote nei thei mi 2541 an awm a, heng zinga mi 1227 hi mipa an ni a, 1314 hi hmeichhia an ni.

2.         Identification of Electors:- Vote thlak turte chuan an nihna tichiang turin Election Commission of India-in a siam Electors Photo Identity Card(EPIC) an keng ngei tur a ni a, an neilo anih chuan anmahni nihna chiang hriat theihna Identity Card dang an keng tur a ni.

3.         Law & Order and Deployment of Forces:- Inthlanna muanawm Ieh felfai neih a nih theihna atan, dan Ieh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate, Siaha Ieh Superintendent of Police, Siaha-te chu ruahmanna tul ang zawng zawng siam tura beisei an ni. A tul a nih chuan ralthuam ken chungchang Ieh aurinna hman chungchangah khapna thupek tichhuak tura beisei an ni.

4.         Election Officials:- Deputy Commissioner, Siaha District chu District Election  Officer (DEO) atana ruat a ni a, amah puitu atan Election Officer, Siaha chu Asst.  District Election Officer (ADEO) atan ruat a ni bawk. Inthlanna buaipuitu atan  Returning Officer, Presiding Officer Ieh Polling Officer-te ruat an ni.

5.         Conduct of Officials:- State Election Commission chuan inthla nna buatsaihna kawnga mawhphurtu, Police-te tiamin, Sawrkar hnathawk zawng zawngte chu duhsak bik emaw hlauhna nei hauh lova a lai thei ang bera hna thawk turin a beisei a. An zavai hian State Election Commission hnuaia deputation-a kal anga ngaih an ni a, election process a zawh hma chuan Commission thuneihna hnuaiah an awm dawn a ni. Heng bakah hian MADC huamchhunga Sawrkar hnathawk zawng zawngte chu Election Schedule puan atanga Election process zawh thlenga Sawrkar hnathawkte zawm tur State Election Commission-in a tihchhuah Code of Conduct chu zawm ngei tura beisei an ni.

6.         Videography & Photography:- Election process chhunga thil pawimawh bik, thil thleng danglam Ieh Model Code of Conduct bawhchhiatna a awm chuan chhinchhiaha thla la turin District Election Officer chu beisei a ni a, hei hian inthlanna felfai Ieh thianghlim a awm theihna atan kawngro a su tura ngaih a ni.

7.         Model Code of Conduct:- 'Model Code of Conduct for Elections to Village Councils under Autonomous District Councils in Mizoram' chu vawiin ni 8^th January, 2020 atang hian By-Election neihna tur Village Councils 5(panga) huam chhungah hman tan nghal a ni. He Model Code hian Political Parties, Contesting Candidates, Ministers, Members of Parliament, Members of Legislative Assembly, Chief Executive Member, Executive Members, Members of District Council Ieh Village Council inthlannaa inhnamhnawih Public Servant-te a huam ang.

8.         Schedule of Election:- Hetiang hian By- Election to Village Councils under MADC neih dan tura ruahmanna - Schedule chu siam a ni.

9.         Appeal:- State Election Commission chuan inthlanna fel fai Ieh muanawm kan neih theihna'n inthlanna buaipuitute, Political Parties, Media, NGOs Ieh mipui tawiawmna a ngen a. Mipui duhthlanna kal tlanga tualchhung inrelbawlna tha tak kan neih zui zel theihna'na theih tawp chhuah theuh turin Mara Autonomous District Council hnuaia khaw 5-a mipuite a sawm a ni.