Vawiin chawhma khan I & PR Auditorium ah Mizoram State Agriculture /Horticulture /Forestry & Marketing Co – Operative Federation LTD. ( MAHFED ) te chuan 19th Annual General Assembly 2015 hmangin Pu Lalrinmawia Ralte Minister of Co operation leh Pu Jack L Darkim IRTS Secretary of Cooperation Deptt. te chuan he Asssembly hi an hmanpui a ni.
Khuallian Pu Lalrinmawia Ralte chuan Mizoram mipui te hmasawnna tur a tana Sorkar Deptt pawimawh tak tak te nena in thlungkhawm MAHFED chu Zoram mipuite intodelhna tura tangkai ber leh hmachhawp ngah ber nia a hriat thu sawiin kan thlai tharte sawngbawllna leh hralhchhuahna lamah te pawh tan lak a ngai a, a bik takin kut hnathawktu te tan chuan a pawimawh em em in ngaihtuahna leh rilru pawh sen ngai a ni a,State pawn ah te zin kuala mi ram in an lo hlawkpui leh tangkai pui thin te a hmun ngeiah kala zir chian ngai tak anih thu sawiin he pawl in a tum ber leh hlawhtlin na tur a tan chuan amah ngei pawh Minister anihna ah hrilh hreh lo tur leh hmalakna kawnga lo puih a in huam thu a sawi a. MAHFED pawl chu a dinna la rei lo hle mahse hruaitute hmalak na a tha in kum thum chhung leka Balance sheet leh Net Profit tha tak leh belhchian dawl tak an buatsaih na ah fak in Minister chuan hmasawnna tur pawh nise hmanhmawh vut vut a fuh ber lo a,chutih laiin inthlahdah leh muanchan chi pawh a ni chuang lo a,zir chho zel in Society a nihna anga tangtlang in kan ram Economics ah a din khawchhuah ngei theih nan member te theihtawpa tanrual leh inpek a pawimawh a, Mizo mipui za a sawmsarih vel in hmanna a nih avangin neitu rilru pu a kan ram khaichhuah a ngai a ni tiin MAHFED thil tum hlawhtlin na atana tangho thiam turin member te a sawm a ni.
Pu Jack L Darkim, IRTS Khualzahawm pawh in thu sawiin Co operation Society hi society inthlunkhawmna pawimawh tak a nih avangin hmalakna tur a tam em em a,kan thawhchhuah te hralh leh na tur bakah a chhiat loh nana vawnthat dan te leh midangte nena thawk ho tura tanrual angaih thu leh inpumkhat a pawimawh thu a sawi.
Pu.C.Lalchhunga, Chairman MAHFED Ltd. kaihhruaiah hian Pu J.Ramliana, MSCS (Rtd), Managing Director chuan Annual Report pein, MAHFED sumdawnna pui ber chu lei tih thatna (Chemical Fertilizer) anih thu a sawi a, Sorkar kaltlanga Fertilizer Company-te hnen atanga lakluh a, mipuite hnena hralh chhuah leh a nih thu sawiin, kumin chhung hian lei tihthatna chi hrang hrang lakluh leh hralh chhuahnaah Cheng Nuai 128 lai hmuh niin, lei tha atanga sumdawnnaah hian Cheng Nuai 36 aia tam an hlep a, hmunphiah a hring leh a ro Kg.48,801 kuthnathawktute hnen atanga leiin ram pawnah hralh chhuah leh anih thu a sawi. He bakah hian Kum 2015-2016 chhung atan Ministry of Tribal Affairs, Donor, NEC, NCDC/ICDP atang te in Financial Assistance Cheng nuai 2,637.50 project siamin, bawhzui mek a nih bakah Ministry hrang hrang leh Financial Institution hrang hrangahte pawh Financial Assistance dil tura hma lak mek a ni bawk. MAHFED hian Kum 2014-2015 chhung khan profit Rs.36,44,392 a nei thu a report nghal bawk.
MAHFED Annual General Assembly ah hian member te an kal thahnem hle a, Pu RH Hmingliana Hmar, Deputy Secy, Ministry of Defence, Govt. of India chuan a hmanpui bawk a ni.
Chawhnu lamah Bussiness Session neiin report hrang hrang sawihona leh pawmpuina hun hman a ni.
