Global Fund for AIDS, Tuberculosis and Malaria (GFATM) Round 9 in a duan angin State Vector Borne Diseases Control Programme (SVBDCP) chuan District Malaria Officer (DMO) leh Medical Officer (MO) te tan Re-orientation Training on Malaria ni 5 October 2011 a tan chu vawiin khan an zo fel ta. He Training hian CHC/PHC/UHC a Medical Officer te intuaitharna a pek bakah PHC tinah Health Worker leh FTD/ASHA te Training pe chhawng leh thei turin DMO leh MO te chu zirtirna a pe ani.

Training ah hian Malaria report forms tharte zirtir an nih bakah mahni bial theuhva harsatnate sawi khawmna hun neih a ni a. Mipuiten Malaria chungchanga ngaihdan diklo an neih thenkhat te chu tidik a, sawifiah a pawimawh zia te leh Malaria laka invenna hman uar zel anih theih dan turte sawi ho a ni bawk.

September 2011 atang tawh khan SVBDCP hian Malaria Microscopists, Lab Technicians, Malaria Technical Supervisors, CHO leh Health Supervisors te chu chak zawka hna an thawh theih nan intuaitharna Training, Civil Hospital, Aizawl, Health Worker Training School Kulikawn leh Directorate Conference Hall, Dinthar ah te a lo buatsaih tawh bawk a ni.

Mizoram Malaria dinhmun, January atanga September, 2011 chu hetiangin