Vawiin khan Health Department hnuaia State Vector Borne Disease Control Programme a thawktu, Malaria Technical Supervisor (MTS) te 'One Day Refresher Training' neih a ni a. He programme hi Dr. Lalhlimpuia, Joint Director (Malaria) cum State Programme Officer ( Vector Borne Disease) in a kaihruai.

Mizoram malaria tamna state-ah tan lak nasat a pawimawh thu leh thosi kah (DDT spray) leh thosilen sem (LLIN distribution) lo awm turah MTS te pawimawhna leh an tih tur te, an hnathawh dan tura pawimawh hrang hrang hrilhfiah a ni.

Dr. H. Saithanliana, Deputy Director (Malaria) chuan chawhnu programme kaihruaiin, P. Rualkhuma, Assistant Malaria Officer leh Dr. K. Vanlalhruaia (Monitoring & Evaluation Consultant) ten zirtirna hrang hrang an pe bawk a ni.