Vawiin khan Mamit District Bawrhsap Pi Lalbiaksangi hovin DC Conference Hall-ah kumin 2016 Independence Day lawm dan tur ngaihtuahin Mamit District chhunga Department Officer te leh NGOs ten meeting an nei.

He meeting kaihruaitu Mamit DC chuan kumin I-day chu ropui thei ang bera lawm tum a ni tiin, kalkhawmte chu theihtawp chhuahpui a, mahni chanvo theuhah te hmalakpuia theihtawp chhuaha tawiawm turin a sawm a, Department hrang hrangte mawhphurhna in pek a ni.

Kumin I-day chu Mamit GSA playground ah chawhma dar 11:00 ah hman ni se, khuallian turin Mizoram sorkarin a rawn ruat chu hman ni se, I-day a tarlan turin Mamit- a Department tinte chu Sorkar hmalakna DC office ah thehlut tura tih an ni bawk.

Independence day lawmna pual hian District huap inelna tournament buatsaih leh nise tih a ni a, hemi lo buaipui tur hian Committee ruat a ni a, sawmbikte pualin Tourist Lodge ah At home buatsaih a ni bawk ang.