Vawiin chawhnu khan Mamit District Bawrhsap Pi Lalbiaksangi kaihhruaiin Mamit khawpui chhunga office thenkhat te leh school hrang hrang te a chhiatrupna lo thlen thulh-a chet lak dan tur mock drill briefing neih a ni.

He meeting-ah hian tun kar leh karleh chhung hian office leh school hrang hrang a mock drill neih dan tur script siam tu tur team din a ni a, Mock drill neih dan tur ruahmanna felfai tak drill neih hma-a siam tura beisei an ni.

Mock drill neihna hmun turte hi DC office, PWD office, Apex bank, P&E Office, St francis of Assisi School bakah CJM Office te an ni a, heng Office thlan chhuahte hian an bul hnai Office leh Local Community te a tam thei ang ber telpui a sawm leh beisei an ni bawk.