No.7196/2020-2021 

Vawiin khan DC Conference Hall Mamit- ah 32nd Road Safety Month- chu Pu R.Vanlalsawta, Addl.Deputy  Commissioner Mamit- chuan a hawng.

Vawiin a hawnna hun hmangtu Pu R.Vanlalsawta chuan thusawina hun neiin lirtheia chetsualna tam tak hi rui chunga Motor khalh vang leh fimkhur tawk loh vang a ni tlangpui thin a, chetsualna laka kan him theihna turin fimkhur tak a lirthei khalh thin a pawimawh thu sawiin a tulna hmun leh kawng kualah te lirthei khalhtute'n Motor horn hmang uar sauh turin leh Road Safety hman chhung mai nilo englai pawha fimkhur reng turin lirthei khalhtute a chah a ni.

Vawiin Road Safety Month- hawnna hun hmanna thupui ah hian " _Fimkhur la, nun humhim rawh_ " tih chu hman niin Pu Benjamin Vanlalhmangaiha Sailo,  MVI kaihhruaiin Road Safety Pledge- kalkhawmte'n sawirualna neih a ni bawk a ni.

Vawiin a 32nd Road Safety Month- hawnna hun hmanna hi Pu B. Lalchuangkima, DTO chuan kaihruaiin  Superintendent of Police, Mamit, Executive Engineer PWD Mamit, Chief Medical Officer Mamit, DIPRO Mamit, Asst. Commissioner of Exise & Narcotics  Mamit, District Education Officer, Mamit ,Joint VCP, Taxi Drivers Association, Mamit Maxicab Welfare, Mamit Truck Drivers Association leh MJA Mamit- te an tel a ni.