Vawiin khan Siamliana Hall, Mamitah Registrar of Births & Death, Mamit District te tan Annual Training cum Thirteen Finance Commision Survey  Phase III chungchang training neih a ni.

Training hi Session hniha then niin chawhma hunah hian Civil Registration  Annual training 2015 chu  Pu R. Thanglura Research Officer, Directorate of Economics & Statistic chuan ziritirna  pein, RBD te chu naupiang thar leh thi te uluk leh zuala chhinchhiah pawimawh zia leh, Registrar of Birth & Death Amendment Act, 2015 chungchang sawiin  Mamit District ah pawh 15 September atanga kalpui a nih tawh thu te, hetah hian Damdawiin leh In lama Naupiang ni 21 hma lama Birth Certificate la te tan an mahni bialtu Registrar te hnen atangin a thlawn vek a lak theih a nih thu leh, ni 21 - kum 1 chhunga lakin Rs 100 chawiin certificate hi lak theih niin kum 1 hnu lama late tan District Research Office ah NOC laka Judicial Magistrate hriatpuina in  Rs 1250 chawi a lak a ngai  tawh dawn thu a sawi bawk.