No.2883/2021-2022

Aizawl 5th, November, 2021 : Vawiin khan I&PR Conference, Hall Mamit-ah District Legal Services Authority, Mamit huaihawt-in damdawi hmansual laka kan fihlim theih nana inzirtirna Awareness Campaign on Eradication of Drug Menace hman a ni.

He hunah hian Pi Mandy Lianchhingpuii, Asst. Commissioner, Excise & Narcotics, Mamit chuan ruihhlo chi hrang hrangin mihring taksa a tihchhiat theih dan hrang hrang tarlangin kan thalai nun nasa taka min suattu leh chhungkaw tam tak tlakranna thlentu ruihhlo chu kan do tlan a pawimawh thu a sawi a. Mamit Excise & Narcotics record atanga a lan danin Mizoram pumah ruihhlo (Drug hmansual) vanga thi zat hi Mipa 1490 leh Hmeichhia 197 an vaiin mi 1687 kan awm tawh thu a tarlang bawk.

Vawiin Awareness Campaign on Eradication of Drug Menace hmanna hun hi Pu Zoramthara, Addl SP, Mamit chuan kaihruaiin Pu Laldinpuia Tlau, CJM/Secretary, District Legal Services Authority, Mamit chuan lawmthu sawina a nei a. Kalkhawmte atangin zawhna leh chhanna hun tha tak hman a ni.

He hunah hian Police Department, Excise Department, Advocate te bakah Jt. VC, Sub Hqrs YMA, MHIP leh MUP te an tel a ni.