No.3616/2021-2022
Aizawl 10th January, 2022 : Vawiin khan Dr. R. Lalthangliana, Hon'ble Minister, Health & Family Welfare, Higher & Technical, Commerce & Industries chuan CMO Office Building leh ANM School Building-te a hawng.

Dr. R. Lalthangliana chuan Aspirational District Mamit hmasawnna leh tihchangtlunna turin Central Sawrkar leh State sawrkar atangin nasa taka thuam a nih thu sawiin kan hmalakna avangin Aspirational District kan nih tirha 94 position kha dinhmun sang tak taka kan invawrh chho ta chu thawktute hmalakna fakawm a tih thu a sawi a. Kan hnathawh that avanga Central Sawrkar atangin tanpuina incentive Award dawng tur leh District dangte entawntlak khawpa hmala tura chahin, Mamit District hi kan potential Area-in a zir avangin hmasawnna tam takin min hmuak mek a, ramdang/Bangladesh nena insumdawntawnna tura hmalakna pawh chhunzawm zel a nih dawn thu a sawi.

Health Minister chuan Hospital-a thawk Doctor leh Nurse te chu kan thiamna mai nilo kan tawngkam khat chauh pawh damlote damna tling a ni tih hre thar leh tura fuihin kum 2 (hnih) lai mai nunphung pangngaia nung theiloa min siamtu Covid-19 hrilengin min nuai chho leh mek a. He hri dona kawngah hian hun hmasa lama thawhhona tha tak kan neih kha chhunzawm zelin sawrkar-in inkhuahkhirhna hrang hrang a duanah te fel tawklo leh tha tawklo tih kan nei anih pawhin Sawrkar chuan hrileng laka kan fihlim hi a duh takzet a, hri laka fihlim tura theihtawp kan chhuah a tul thu a sawi bawk.

Dr. Lalrozama, District Bawrhsap pawhin Aspirational District Mamit-in hmasawnna hmel a hmuh zawng zawngte lawmawm a tih thusawiin, hmasawnna tak tak chu a taka hmuh tur awm hi a nih thu a sawi.

Lalfakzuala, Executive Engineer, DHS chuan Technical Report pein Construction of Auxiliary Nurse Midwife (ANM) chu Ministry of Health & Family Welfare (Nursing Division), Centrally Sponsored Scheme (CSS) hnuaia Fund dawn atanga sak anih thu ngaihthlak a ni a. He building satu Contractor hi Zamzo Engineering Construction & Consultancy, Aizawl niin Rs. 150.00 lakh senga sak a ni. A building hi Ground Floor, First Floor leh Second Floor-ah te then hran niin Floor tinte hi 102.90 sqm a zau a ni a. Dt. 03.12.2021 khan a sak hna hi zawhfel a ni. Ground Floor-ah Recreation room, waiting room, warden Office, Dining Hall, Kitchen leh Toilet Block te awmin First Floor leh Second Floor-ah Double bedded room 4 leh Toilet Block a awm ve ve a ni.

Chief Medical Officer Office hi State Priority Programme (SPP), 2018 - 2019 Fund atanga sak niin Zamzo Engineering Construction & Consultancy, Aizawl te'n a sak hna hi an thawk a. Sanctioned Amount hi Rs. 250.00 lakh niin Dt. 08.10.2021 khan sak zawhfel a ni. A building hi Ground Floor-ah Vehicle Parking, Canteen, Driver's room, Toilet block te awmin First Floor-ah CMO room, MEI Section, EPI Section, NPCD Section, NHM Section, School Health Section leh Toilet Block-ah te then a ni a. Second Floor hi SMO room, Drug Inspector's room, Tobacco Section, NCD Section, Establishment Section leh Toilet Blocks -ah te then hran a ni bawk. Heng Floor tinte hi 267.87 sqm a zau vek a ni.

He hunah hian Pi Lalremmawii, Jt. Director Nursing) leh Dr. C.Lalsangzuala, Member, H&FW Board leh sawmbikte'n thu thu an sawi bawk.

He hun hi Dr. F. Lallianhlira, Principal Director, Health & FW Deptt chuan kaihruaiin Dr. Zothankhuma Chhakchhuak, CMO, Mamit chuan lawmthu sawina a nei a. He hunah hian Covid hrileng avangin sawmbik Sawrkar Officials thenkhatte leh khawtlang hruaitute an tel a ni.

Health Minister hi Pi Nazuk Kumar, IAS, Director, H&TE; Dr.H.Lalchungnunga, Director, DHS, Dr. Eric Zomawia, Mission Director, NHM, Dr. Pachuau Lalmalsawma, SNO, IDSP, Er. H. Lalfakzuala, EE, H&FW, Pu Ronald Lalchhuanawma, Asst.Director, C&I (Commerce Wing) Pu Veneet Kumar IPS, SP Mamit
leh mipawimawh dangte'n an tawiawm a ni.