Vawiin khan DC Conference Hall, Mamit-ah Dr. Lalrozama, IAS, District Bawrhsap/ Chairman, District Level Executive Committee (DAY- NULM) hovin Deendayal Antyodaya Yojana - National Urban Livelihoods Mission (DAY-NULM) hnuaia Shelter for Urban Homeless Scheme chungchang ngaihtuaha thutkhawm a ni.

Meeting-ah hian“Mamit-a Shelter Home pali Emau Specialised Adoption Agency, Joshua's Children Home, Buannel Children Home bakah Mamit Observation Home- te mamawh chu lei phalsak an ni a. A man chungchangah Nodal Department DUDO chu lo enzui se tih a ni.

Self Employment Programme (SEP) hnuaia loan sanction tur bank-te atangin report ngaihthlak a ni a. A tul anga bawhzui tur leh Nodal Dept-ah an harsatna emaw status report pe ziah thin tura tih an ni.““Meeting-ah hian Mamit Hospital ram chhungah Dharamsala sak turin hmalak mek a nih thu tarlan a ni bawk.

Vawiin Meeting-ah hian General Manager, District Industries Centre, Mamit, CMO, DMS, EE, PWD, DEO, DCSO, Project Director, DAY-NULM, UD&PA bakah Mamit-a Bank pathum Mizoram Rural Bank, Mizoram Cooperative Apex Bank, State Bank of India aiawhte an tel a ni.