Vawiin khan DC Conference Hall, Mamit-ah Dr. Lalrozama, IAS, District Bawrhsap hovin International Day against Drugs Abuse and illicit Trafficking hman dan tur rela thutkhawm a ni.

Meeting hian International Day against Drugs Abuse and illicit Trafficking chu naktuk Ni 26.6.2019 10:00 AM hian Mamit Kohhran Hall-ah hman nise tiin a rel a. He hunah hian Govt. Higher Secondary School zirlaite leh Govt. Mamit High School zirlaite chuan anmahni School atanga Mamit Kohhran Hall thlengin Anti-drug Marches an nei dawn a ni.

International Day against Drugs Abuse and illicit Trafficking hi naktuk Ni 26.6.2019 atanga chawlhkar hnih chhung hman tur a ni a. Hemi hun chhung hian Mamit khawpui chhunga High School zirlaite bakah District Jail Mamit-ah Awareness neih tura ruahman a ni a. Resource Person, District Legal Services Authority atangte, Excise & Narcotics bakah Doctor thiam rualte'n zirtirna an pe dawn a ni.

Vawiin Meeting-ah hian Addl. SP, DEO, CMO, DMS, DIPRO, DTO, Superintendent, District Jail, President, MJA, Mamit bakah DPO (ICDS) aiawh, Assistant Commissioner of Excise aiawhte bakah khawpui chhunga NGO hrang hrang aiawhte an tel a ni.

Attachment

  • Loading attachment...