4154/2023-2024

Mamit 13th March, 2024 : Vawiin khan Siamliana Hall, Mamit-ah DAY NULM Festival chu hman a ni a. Pu Samuel Zodinsanga, DUDO Mamit chuan festival hi hawnna hun a nei a ni.

Pu Samuel Zodinsanga hian DAY-NULM component hrang hrang Social Mobilisation & Institutional Development, Shelter for Urban Homeless, Support for Urban Street Vendors leh Employment through skill training and placement chungchang leh a huam chinte sawifiahna a neih bakah DAY-NULM Festival chhimtu zawng zawngte chungah lawmthu a sawi a. Hlawk taka Festival hmang theuh turin duhsakna a hlan a ni.

Mamit khawpui chhungah hian Self Help Group 90 awmin, Area Level Federation 4 din tawh a ni a. Heng Area level federation te zinga mite hian Paper cup siamna khawlte pawh an bun tawh a ni. Thiamthil nei a zir chhuak mi tam tak an awm tawh a, Scheme for Urban Homeless hnuaiah Mamit Khawpui chhunga home hrang hrang ah bungrua pek thin an ni. Khawpui pawn lam atanga Mamit District Hospital-a in entirte thlenna tur Patient Attendant's Shelter sak a ni tawh bawk.

Vawiin DAY NULM Festival Urban Development & Poverty Alleviation Department buatsaih hi Nl. Zomuanpuii'n kaihruaiin DAY-NULM hnuai a SHG hrang hrang te'n an thilsiam hrang hrangte zawrh chhuah niin stall 20 siam a ni.

Attachment

  • Loading attachment...