751/2026-2027

Dated: Mamit 29th of May,2026: Vawiin khan DC Conference Hall Mamit-ah Pu Suvigya S Chandra,District Bawrhsap hovin District Consultative Committee (DCC) leh District Level Review Committee (DLRC)thutkhawm a ni a. Kum 2026 March Quarter ending chhunga Mamit District-a Bank hrang hrangte hmalakna thlirletna neih a ni.

Vawiin thutkhawm kaihruaitu District Bawrhsap chuan mipui te'n hamthatna leh  chanvo an neih te a hre tur tak mipuiin an hriat theih nan Bank lamte leh Department te'n thawhhona tha tak nena hma kan lak a tul thu sawiin theihtawp chhuah turin a chah a, khaw hla deuha awmte pawh an harsatna ngaihthlak saka sutkian dan kawng zawn a tha a ni a ti.

Bank hrang hrang atanga an hmalakna leh thlen chin agenda point 11 atanga thlirhona neih a ni a. March quarter ending thleng PMJDY hnuaiah Mipa 17374 leh Hmeichhia 21439 an vaiin 38813 ti thar an awm a, PMJJBY Enrollment ti thar 5229 leh Renewal 16628 an awm a, PMSBY ah enrolment ti thar 8846 leh renewal 33310 awmin, APY hnuaia enrolment ti thar 748 an awm bawk. Financial Literacy Camps Bank hrang hrang 14 atangin vawi 42 neih a ni.

Mamit District chhunga Bank hrang hrangte March Quarter-a an Credit Deposit Ratio hi 70.75% a ni a, December Quarter liamta ah khan 72.82% a ni.

Thutkhawmah hian District Credit Plan (DCP) thlirho ni bawkin Agriculture hnuaiah 35.94%, MSE 73.44%, Other PS hnuaiah 39.09% a vaiin 42.82% a ni. Heng bakah hian KCC Loan bank hrang hrang te'n an pek chhuah dan zirchianna neih a ni.

Thutkhawmah hian Pi B.Lalmuansangi District Development Manager,Mamit Nabard   thar chu telin line department te leh Mamit District chhung Bank hrang hrang aiawhte a tel a ni.