2019/2026-2027

Dated: Mamit the 1st of September,2026:Vawiin khan DC Conference Hall Mamit-ah Pu Suvigya S Chandra,District Bawrhsap hovin District Consultative Committee (DCC) leh District Level Review Committee (DLRC) thutkhawma ni a. Kum 2026 June Quarter ending chhunga Mamit District-a Bank hrang hrangte hmalakna thlirletna neih a ni.

Vawiin thutkhawmah hian District Bawrhsap chuan Mamit District chhunga Bank hrang hrangte chu mipui tana thawk an nih angin  hamthatna leh chanvo an neihte mipuite'n an an hriat theih nan Line Department te nena tanrual thiam a pawimawh thu a sawi.

Vawiin hian District Consultative Committee (DCC) atanga agenda 6 leh District Level Review Committee (DLRC) atanga agenda 7 te sawiho a ni a ni a. District chhung Bank hrang hrang CD Ratio hi 78.75% a ni a, hei hi RBI in thingtlang lama Branch te tan India ram pum huapa 60% tlin tur a tih aia sang a ni a. June 2025 kum kalta a, CD Ratio hi 76.56 a ni.  June quarter ending thleng PMJDY hnuaiah Mipa 16349 leh Hmeichhia 20468 an vaiin 36817 an awm a, PMJJBY Enrollment ti thar 2371 leh Renewal 16401 an awm, PMSBY ah inziak lut 53298 leh 34563 awmin, APY hnuaia enrolment ti thar 248 an awm bawk.

June, 2026 thleng khan, SHG 6 te chu savings account nen thlunzawm an ni a, an pawisa khawl zawng zawng chu cheng ₹36.54 lakh a ni. SHG 33 te chu loan nen thlunzawm an ni bawk.

Thutkhawmah District credit plan (ACP) hnuaiah June 2026 thleng khan kumkhat chhunga target 27,688.24 lakh ah 3121.55 lakh tihhlawhtlin a ni a, 11.27% a hlawhtlinna hmuh a ni. DCP ah hian Agriculture hnuaiah 7.88%, MSME 21.81%, Other PS hnuaiah 9.73.% a vaiin 39.62% a ni. Heng bakah hian KCC Loan bank hrang hrang te'n an pek chhuah dan zirchianna neih a ni a. Bank hrang hrang 14 atanga financial Literacy camp neih zat hi 50 a nih thu tarlan a ni bawk.

Vawiin thutkhawmah hian Pu Thangkhenpau, LDM Mamit, Pi B.Lalmuansangi

DDM,NABARD Mamit te bakah line department te leh Mamit District chhung Bank hrang hrang aiawhte an tel a ni.