587/2025-2026

Dated : Mamit the 14th of May, 2025 : Nizan dar 8:30 khan Mamit District Disaster Management Authority hmalaknain vansang atanga beihna (Air Raid) tawh palh thula inven nan Defence Mock Drill minute nga(5) chhung kalpui a ni a, mipui te'n heng chhiatna tawhpalh thulha thuawih kan inzirna a nih angin Power & Electricity atanga shutdown lak niloin mahni ngeiin light off nachang kan inzir nana kalpui a ni a, he defence Mock Drill hi hlawhtling taka kalpui niin intinte pawhin an zawm tha hle a hriat a ni.

Mamit khawpui chhunga Defence Mock Drill kalpui hi Sawrkar office leh dawr zanlama mihring awm, awm lohna te pawh light off tura inhrilhhriat vek an ni a. Veng paruk atangin siren hi zan dar 8:30-ah tihrik niin minute nga(5) chhung kalpui a ni a. District Emergency Operation Centre atangin uluk taka Defence Mock Drill kalpui hi vil a ni bawk.