Vawiin khan DC Office Chamber-ah District Level Coordination Committee chu an Chairman Dr. Lalrozama, IAS, District Bawrhsap ni bawk hovin 7th Economic Census chungchang ngaihtuaha thutkhawm a ni.

Dr. Lalrozama chuan Mamit District dinhmun dik tak hriat nana 7th Economic Census buatsaih a ni thei tur chu lawmawm a tih thu a sawi a. A taka thawk tur Enumerators leh Supervisors-te chu dik tak leh thahnemngai taka thawk turin a ngen.

Vawiin Meeting-ah hian Economic Census chu Kum 5 dana neih thin anih tur tarlan niin kan District chhunga Village Council 87 leh Sub-Village 11, avaiin khaw 98-ah Economic Census hi neih tura ruahman a ni a. A Field-a thawk tur Enumerators 59 leh Supervisors 12 ruatfel an ni a. Anni hian Mobile Application Online hmangin an thawk dawn a ni.

Meeting-ah hian Taxation Department chu Mamit District chhunga sumdawng awmzatte zirchianga lo hre tura ruat an ni a. Enumerators-te hman tur Village Map buaipui turin DRO, Mamit chu ruat niin a ranglama Enumerators-te kutah pek theih nise tih a ni.

Vawiin Meeting hian Enumerators-te'n Incentive In pakhat zela an hlawh tur chu a tlem tham deuh avangin thuneitute hnenah tihpunsak tura ngen nise tih a ni bawk.

7th Economic Census chungchang ngaihtuaha thutkhawmnaah hian Aizawl atangin Mamit bialtu Inspector bakah District Level Coordination Committee Members-te an tel tha hle a ni.