Vawiin khan DC Conference Hall, Mamit-ah District Fire Prevention Committee chu an Chairman Dr Lalrozama, IAS, District Bawrhsap hovin an thutkhawm.

Meeting-ah hian Pu Lalnunsanga Khawlhring, Member Secretary, District Level Fire Prevention Committee hnen atangin Mamit District chhunga Kangmei ven kawnga hmalakna hrang hrang report ngaihthlak a ni.

Meeting hian Mamit District chhunga Lo/Leipui neite chu State Level Committee thuchhuak angin Ni 15 March hma-a hal vek tura tih an ni a. V/C tinte hnenah ngenna pek leh vek nise tih a ni. District chhung khua atangin kangmei vengtha khua thlan leh nise tih a ni a, buaipuitu atan DFO, Mamit leh Kawrthah bakah DLAO, Sub Hqrs YMA te ruat an ni. Kangmei ven kawngah mipuite'n zauzawka kan hriat theihna turin YMA Conference hmang tangkaia zirtirna pek bakah khawtin dapa zau zawka zirtirna kalpui nise tih a ni a. Member Secretary-in lo bawhzui se tih a ni bawk.

Vawiin Meeting-ah hian Fire Prevention Week, 2020 February Ni 10-a hman dan tur rel nghal niin Programme kimchang duan nghal a ni.

Meeting-ah hian District Level Fire Prevention Committee Members-te an tel tha hle a ni.