No.3390/2021-2022
Aizawl 14th December, 2021 : Vawiin khan DC Conference Hall, Mamit-ah Dr. Lalrozama, IAS, District Bawrhsap hovin District Level Kisan Credit Card (KCC) Coordination Committee thutkhawm a ni.

Meeting-ah hian District Level Special KCC Campaign chu anmahni beneficiaries neihna bialah AH & Vety leh Fisheries Department kaihhnawih kuthnathawktute'n karkhatah vawi 1 tal neih thin nise tih a ni a, Campaign an neih zawhah an neih dan report kimchang thehluh thin nise tih a ni bawk.

KCC hnuaiah hian Sangha khawi leh ran vulh mite tan hian Rs. 1.6 lakhs thleng engmah dahkham (Collateral) ngai lovin loan a pung tlem chi lak theih a ni dawn a, 1.6 lakhs chin chunglam la turte tan dahkham neih a ngai ve thung dawn a ni. Loan hi 13 lakhs thleng dil theih a ni ang. Dilna form hi District Veterinary Officer, AH & Vety Dept. leh District Fisheries Development Officer(DFDO), Mamit hnenah lak theih niin hriatchian duh nei tan an hnenah hian zawhfiah theih a ni bawk ang.

Meeting- ah hian Realigned Operational Guidelines for National Livestock Mission (2021-2026) chungchang sawiho niin ran vulhtute tan Rs. 25 lakhs - Rs. 50 lakhs thleng subsidy Sawrkar laipui atanga dawn theih a ni a. He Mission hamthatna hi a tam thei ang ber kan District mipuite'n an dawn theih nan hian line Department AH &Vety Dept. Mamit chu hma la tura mawhphurhna pek an ni.

Vawiin meeting- ah hian Potential Linked Credit Plan (2022-2023) chu Dr. Lalrozama, IAS, Mamit District Bawrhsap chuan a tlangzarh nghal bawk.

Vawiin thutkhawmah hian LDM, DDM, NABARD, DVO, DFDO aiawh bakah Officials dangte an tel a ni.