No.191/2021-2022

Mamit 19th April, 2021 : Vawiin khan DC Conference Hall, Mamit-ah Dr. Lalrozama, IAS, District Bawrhsap hovin Mamit District chhunga Quarantine Centre chungchang sawiho-a thutkhawm a ni.

Meeting-ah hian Mamit District chhunga Govt. Quarantine Centre leh Community Quarantine Centre chungchang sawiho niin Govt. Quarantine Centre 4, BDO Rest House, Zawlnuam, Tourist Lodge, Zawlnuam, Tourist Lodge Reiek leh Tourist Lodge Mamit siam nise tih a ni a. Community Quarantine Centre 26 siam tura rel a ni bawk. Mizoram Sorkar thuchhuahin a tarlan angin State/ram dang atanga lo lut tur reng reng chu Ni 7 chhung Home Quarantine tur an ni a. Home Quarantine-na hmunhma nei tha lo-te chu Community Quarantine Centre emaw Gov.t Quarantine Centre a dah tur an ni.

Meeting-ah hian State/ram dang atanga Mamit District rawn lut tur reng rengte tan Kanhmun, Damcherra leh Medili atang chauha luh theih tura rel niin luhna hmun dang zawng khar vek a, uluk taka duty anih dawn avangin mipuite pawhin thuawih taka zawm vek turin Committee hian a ngen nghal bawk a ni.

Covid Care Centre/Dedicated Covid Health Centre, Dedicated Hospital leh General Medical Duty chungchang sawiho a ni a. CCC/DCHC atan hian a hma-a lo hman tawhsa SSA Girls Hostel leh SIRD/DPRC-te hman leh nise tih a ni bawk.

Vawiin thutkhawmah hian Executive Duty chungchang sawiho niin Duty point enfiah, duty dan tur bakah duty hunbi turah SP Mamit chu mawhphurhna pek a ni a. VC tlangau atangin Covid-19 laka kan him theihna tura District Bawrhsap thuchhuak, zan curfew, SOP hrang hrang leh tul dangte uar taka puanzar thin nise tih a ni a. Dan zawm lote hi Executive duty te'n ngaihnathiamna awm lova pawisa chawitir zel an nih tawh dawn avangin mipuite pawh fimkhur lehzual tura ngen an ni bawk.

Vawiin thutkhawmah hian tunlai Vawk natna hrileng mek African Swine Fever ni-a rin avangin Mamit District chhung Zawlnuam, Thinghlun, Bazirungpa leh Thaidawr-ah te Vawk 231 an thih tawh thu District Veterinary Officer, Mamit chuan a tarlang a. Vawk vulhtute chu fimkhur lehzual turin a chah nghal bawk.

Vawiin Meeting-ah hian SP, Addl.DC, CMO, SMO, DMS, DVO, DLAO, District Programme Manager, NHM, Khawtlang hruaitute bakah tlawmngai pawl hruaitute an tel a ni.