No.4225/2021-2022

Aizawl 10th March, 2022 : Vawiin khan DC Conference Hall, Mamit-ah Pu Lalnunhlua, Mamit District Bawrhsap/ Chairman, DTFI hovin District Task Force On Immunization thutkhawm a ni a. IMI 1st Round leh 2nd Round 2022, IPPI 1st Round, 2022 bakah Covid-19 vaccine chungchang thlirletna neih a ni.

Meeting-ah hian Intensified Mission Indradhanush (IMI) 1st Round leh 2nd Round, 2022 thlirletna neih niin 1st Round-ah hian naupang vaccine pek zat chu 97.1% a ni a. Nu naupai vaccine pek zat hi 99% a ni. IMI 2nd Round-ah naupang vaccine pek zat 65% niin nu naupai vaccine pek zat chu 58.8% anih thu tarlan a ni.

Intensified Pulse Polio Immunization (IPPI) 1st Round, 2022 thlirletna neihah naupang 9934 zenghri danna pek niin 97.1% achievement a ni a. Covid-19 hri avanga Home Isolation leh Home Quarantine kan awm thin avanga 100% achievement ni thei lo anih thu Meeting-ah hian tarlan a ni.

Vawiin Meeting-ah hian Mamit District-a Covid-19 vaccine pek dan report ngaihthlak niin January 19, 2020 - March 9, 2022 inkarah 1st Dose - 52656, 2nd Dose - 39181, Precaution Dose - 1791, avaiin 93628 pekchhuah anih thu tarlan a ni.

Vawiin Committee hian naupang leh nu naupaite chu kan thatna tura vaccine lak ngaipawimawh turin a chah a. Nu leh pate pawhin kan fate hridanna lak ngaipawimawh zel turin a chah bawk.
Vawiin thutkhawmah hian DTFI members te an tel tha hle a ni.