No.4224/2021-2022

Aizawl 10th March, 2022 : Mizoram State Veterinary Council hnuaia Vety Doctor-te tana buatsaih, Online Registration chu vawiin khan AH&Vety Director Dr. Lalremliana'n a hawng. 

Online Registration hi Vety practitioner te leh hmun hlaa awm ten hun heklo leh office kal kher ngai lova mahni awm hmun atanga awlsam taka Mizoram State Veterinary Council hnuaia an in register theihna tur atan te, certificate tibo palh leh renew ngai ten download leh renewal an titheihna tur atan te buatsaih a ni a. Veterinary Degree pass zawng zawng ten Sawrkar hna, University leh thil danga hna an thawh dawn chuan India Dan, Veterinary Council of India Act in a phut angin an thawhna tur State Veterinary Council ah in register ngei ngei a ngai a ni.
Online Registration software hi Lailen Consulting Pvt. Ltd te siam a ni. Dr. Daniel Chianghnuna, President State Vety Council in Online Registration hawnna hun hi a kaihruai a. Dr.Robert Rualthankhuma, Registrar in Technical Report a pe a ni.