829/2023-2024
Mamit 16th June, 2023 : Vawiin khan CMO Office, Mamit-ah Dr. Zothankhuma Chhakchhuak, CMO hovin District Task Force On Immunization thutkhawm a ni a. DTFI Meeting hnuhnung bera thurelte thlirletna neih anih bakah Mamit District chhunga hri danna hrang hrang pek chhuah dan thlirletna neih a ni.
Meeting kaihruaitu Dr. Zothankhuma chuan meeting tura kalkhawmte chungah lawmthu sawiin Mamit District chhung mipuite lo hrisel zawk nan vaccine pek chhuah thin a ni a. Heng vaccine hrang hrangte hi a la thei chin leh la tur bithliahte'n tha taka la a, nu leh pate pawhin kan fate Vaccine laktir ngaipawimawh turin a chah.
Meeting-ah hian Dr. Lalnuntluangi Khiangte, District Immunization Officer/Secretary, DTFI chuan Measles Rubella (MR) chungchang tarlangin December 2023 chhungin Eliminate anih theih nan naupang Kum 5 hnuai lam tan dose hnih a lak tur a ni a. Tun dinhmunah Mamit-ah 72% vel chauh Vaccine pek la niin High Risk Area Mamit-ah khaw 28 kan neih mek thu tarlanin Sentut leh Sentet umbo tur hian 95% talin Vaccine an lak a ngai a, tanlak an la ngaih thu leh kan bul velah naupang Sentut emaw Sentet emaw vanga khawsik rinhlelh ang chi natna kan hriatte Medical lama report zel turin a chah bawk.
Mamit District-ah HMIS-ah naupang Kum 1 hnuai lam Vaccine dose la kim 78% awmin 2022-23 chhung khan MR Surveillance tihna-ah mi 19 hmuhchhuah niin AFP-ah 2 hmuhchhuah a ni a. Kumin May thleng khan MR Surveillance-ah mi 11 hmuhchhuah a ni tawh bawk a ni.
Mamit District chhungah Female Health Worker awm lohna khaw 5 awm mekin Male Health Worker awm lohna Khaw 9 kan neih mek thu meeting-ah hian tarlan a ni bawk.
Meeting-ah hian District Task Force on Immunization Members te an tel tha hle a ni.
Attachment
- Loading attachment...
