828/2023-2024
Mamit 16th June, 2023 : National Legislator Conference Bharat (India), Ni 3-awh tur, Jio World Convention Centre, Mumbai Maharashtra hmuna neih mekah Mamit Constituency bialtu MLA Er. H. Lalzirliana chu tel vein, India ram hmun hrang hrang atangin Legislator hrang hrangte leh mi pawimawh tak tak an kalkhawm a. Union Council of Minister-te pawh an tel a ni.
He Conference chhim pah hian Mamit Constituency bialtu MLA chuan a bial chhunga khaw hrang hrangte tan CSR project kaltlanga buaipui turin Hindustan Petroleum Corporation Ltd.(HPCL) hotute a kawm.
Road & Infrastructure Development Board Vice Chairman hian HPCL Officials hrang hrangte KS Shetty, Director, Human Resources, Rajeev Goel, Executive Director, CSR leh Neelesh Khulbe, Executive Director, Administration-te a dawr nghal a ni.
Mamit Constituency bialtu MLA hian a bial chhung khaw hrang hrang tan Ambulance-te, School bus-te leh Zirna lam kaihhnawih thilte, inkalpawhna chungchangah leh hriselna lama hmasawnna ruhrel pawimawh din ho dan tur chungchangte HPCL hotute hi a sawipui a ni.
HPCL hotute hian hun rei tak an company-a an lo thawhpui tawh Mizoram State-a Legislator lo ni ta chu an lawmpui hle a, a bial chhung tana mamawh a thlen te pawh tihhlawhtlinsak ngei an tum thu an lo hrilh a ni.
Attachment
- Loading attachment...
