No.3404/2020-2020

Mamit 24th July, 2020 : Vawiin khan DC Conference Hall, Mamit-ah DM Dashboard/DARPAN (Dashboard for Analytical Review of Projects Across Nation) chu Dr. Lalrozama, IAS, Mamit District Bawrhsap chuan a tlangzarh.

DM Dashboard (DARPAN) hi District chhunga Project hrang hrang sawmpali (14), MGNREGA, PMAY, Swachh Bharat Mission- Gramin, NRLM, VAHAN, Sarathi, RCH, NSAP, MLALADS, Inner Line Permit, Arms Licensing Monitoring, PDS, Caste Certificates leh Income Certificates te awlsam zawka DC Office-in a lo vil theihna tura National Informatics Centre hmalakna-a siam a ni.

Pu Vicky Kumar Sharma, DIO, NIC chuan DM Dashboard chungchang tlangpui sawifiahna neiin Online based a Project kalpui mekte chu he Dashboard-ah hian a lo lang zel dawn a. Online based-a Project la kalpui loh te pawh Manual-a he Dashboard-a lang tura tarlan zel a nih dawn thu a sawi a. He DM Dashboard-in a thil tum ber chu Department hrang hrangte hnathawh hmun khata awlsam zawka enlet leh vil a nih theih nana ruahman a ni a. Hei hian District hmasawnna tura Department hrang hrangte hnathawh a tih chak zawk a rin thu leh Department tinte pawhin thahnemngai zawka hna an thawh a beisei thu Dr. Lalrozama chuan a sawi. Heng Priority projects 14 bakah hian a tul dan anga Project dangte pawh he Dashboard-ah hian dah luh zel an nih dawn thu a sawi bawk.

Vawiin DM- Dashboard tlangzarhna Programme hi Pu R. Vanlalsawta, Addl. DC, Mamit chuan a kaihruai a.He hunah hian PD DRDA, EE PHE, SDO (Sadar), SMO, DMS aiawh, DCSO aiawh, DTO aiawh bakah DPO aiawhte an tel a ni.