Vawiin khan DC Conference Hall Mamit-ah cVIGIL eh Suvidha chungchang zirhona Pu Vanlalngaihsaka Mamit District Bawrhsap, District Election Officer ni bawk hovin neih a ni.

cVIGIL hi Vigilant Citizen tihna niin ECI in Election atana Android Mobile  phone application a siam a ni a, cVIGIL apps ah hian India khua leh tui tupawhin Model Code of conduct (MCC) bawhchhiatna a awmin, a Video emaw pictures emaw awlsam taka District control room-a report-na tur a ni a. A report-tu hming leh nihna tilang kher lovin Anonymous angin Complaint hi thehluh theih a ni dawn a. Chu Complaint dawn atanga a rang thei ang berin thuneitute'n an bawhzui zung zung dawn a ni. He Application hi Playstore atangin awlsam taka download theih a ni.