2757/2026-2027

Dated : Mamit the 21st of October, 2026 : Vawiin khan DC Conference Hall, Mamit-ah Financial Inclusion Saturation Campaign, 2026 hawnna chu Pu Suvigya S Chandra, Chairman, District Level Consultancy Committee/District Bawrhsap ni bawk chuan a nei.

Pu Suvigya S Chandra, Chairman DLCC chuan Mamit District chhunga chhungkua zawng zawngin Financial Inclusion an hmuh kim vek theih nan stakeholder zawng zawng thawhho a pawimawh thu a sawi. A bikin Village Council (VC) te chu Sawrkarin financial leh social security scheme hrang hrang a kalpui mek te la hre lo leh a la huam loh chhungkuate zawn chhuah kawngah VC te chu an pawimawh hle a. Financial inclusion leh social security scheme hamthatna te chu a dawng tur leh hre tur dik tak te'n an hriat theih nana campaign hmang tangkai turin District mipuite a sawm a ni. 

 Lead District Manager (LDM), Mamit chuan Financial Inclusion chu Bank account hawn ringawt a ni lo tih sawiin, chhungkaw tin ten him, awlsam leh zahawm taka banking service an dawn theih a pawimawh thu a sawi a, sawrkar atanga hamthatna, pawisa khawl, insurance, pension leh loan te a huam vek a, Financial Inclusion Saturation Campaign 2026 hi RD Block pali - West Phaileng, Reiek, Zawlnuam leh Kawrtethawveng hnuaia Village Council 91 ah camp neih a nih dawn thu a sawi a. 

Pi Zomuansangi, District Development Manager, DDM pawhin Financial Inclusion and Rural Financial Literacy chungchang tarlangin Mamit khawpui chhunga Bank hrang hrang SBI, Mizoram Rural Bank leh Apex Bank Manager te chuan thupui thlan bik hmangin mipui te'n Bank kan dawrna kawnga hmasawnna tur kan neih hrang hrangte an tarlang bawk a ni.

He hun hi Pi Jessie, Branch Manager, Union Bank of India chuan kaihruaiin, Officials, Bank hrang hranga thawktute leh Village Council aiawhte an tel a ni. 

Financial Inclusion Saturation Campaign hian Ni 31st October, 2026 thleng a awh dawn a.  Campaign chhung hian PMJDY account hawn, PMJJBY, PMSBY leh APY a enrolment, Aadhaar thlun zawm, account muhil tih nun leh, Re-KYC, CKYC leh nomination tih thar te a ni a, digital banking him taka hman, sum enkawl fimkhur dan inzirtirna te neih a ni dawn a ni.