Vawiin khan Mamit District Fire Prevention Week (11-19) February, 2019 chhunga hman tur chu Pu Vanlalngaihsaka, District Bawrhsap, Mamit District chuan a hawng.

Hawnna hun Mamit Divisional Forest Complex a neihah hian Pu Vanlalngaihsaka chuan ramkang ven kawnga hmalakna chu Forest Department tihtur chauh ni lovin kan zavaia kan thawh tlan ngai a ni a ti. Kan ram thing leh mau kan humhalh that loha kan tihchereu avangin kan ram tuihna-te a hma angin a tam tawhlo em em a, Sava leh ramsa chi hrang hrangte pawh an rem zo tep tawh a ni a ti. Ram kang venna kawnga hmalakna chu kum naupang zawkte atanga hma kan lak a tul hle a, Zirna lama thawktute chu ngaihtuahna seng a, karkhatah vawikhat tal emaw helam kawnga inzirtirna nei tura ruahmanna an siam a tul thu a sawi.

Mamit District Bawrhsap chuan Mamit District chhunga kangmei ven kawnga mitinte kan lo fimkhura midangte hrilh hretu kan nih theuh theih nana tangkai taka hman turin Fire Prevention Week 2019 chu a hawng a ni.

Pu Jacob Lalawmpuia Addl. DC Mamit pawhin kangmei ven kawga hmalakna tur leh a taka veitu ni theuh turin kalkhawmte a sawm a ni.

Week hawnna inkhawm hi Pu K. Eley Rosanga, President Sub Hqrs YMA chuan kaihruaiin Pu C. Lalramdinzela President MJA kaihruaina-in Kangmei veng tura thutiam tharna sawirual a ni a. Pu K. Lalmuankima, Honorary Wildlife Warden-in lawmthu sawina a nei bawk.

He hunah hian Mamit khawpui chhunga Sawrkar Department hotute leh aiawhte, khawtlang hruaitu, tlawmngai pawl hrang hrang aiawhte an tel a ni.