No.3773/2020-2021

Mamit 4th August, 2020: Vawiin khan DC Office Chamber-ah Dr Lalrozama, IAS Chairman TSG, Green-Ag Project ( GEF - 6) / District Bawrhsap kaihhruaina-in Green Agriculture Project hnuaia Technical Support Group ( TSG) chu a vawikhatna atan thukhawm a ni.

Vawiin thutkhawmah hian Mr Tomio Shichiri, FAO - Representative, India bakah National Project Management Unit (NPMU) a mithiam te'n Online Video hmangin Green-Ag Project (Global Environment Facility - 6) thiltum leh a chanchin tlangpui sawifiahna an neia. He Project-in a tum ber chu khawvel boruak chhe zel tur veng chung leh ram leilung, sik leh sa, ramsa leh nungchate tichhe lova, Agriculture hnuaia hmalakna thar kalpui niin India ram chhunga State panga Mizoram, Rajasthan, Uttarakhand, Odhisha leh Madya Pradesh-ah te Project hi kalpui a ni dawn a. Mizoram state hnuaia hmalakna tur atan hian Mamit District leh Lunglei District chu thlan niin Mamit District ah hian khaw 22 thlanchhuahah he project hi kalpui tura ruahman a ni. Heng khua-ahte hian Biodiversity Management Committee (BMC) din tura ruahman niin, hei bakah hian Village Council Support Unit ( VCSU) chu Village Council Chairman-na hnuaiah din tur tih a ni a.TSG representative tur atan hian Mamit DFO chu ruat nghal a ni.

He Project kalpuina tur khaw 22 thlanchhuahte hi Dampa Tiger Reserve bul hnai khuate niin tunah hian Project hlawhtlinna atan hian Project Officer mi 1 bakah Community Resource Person tur mi 15 lak tawh an nih thu meeting-ah hian tarlan a ni.

He Project hi Food and Agriculture Organisation of the United Nations ( FAO) kaltlangin Global Environment Facility sum hmanga kalpui tur a ni a. Project Cost atan hian US dollar 41,91,887 ( 29.36 crore approx.) a nih thu tarlan a ni a. Project hi April 2019 - March, 2026 chhunga kalpui tum niin Mizoram bikah chuan ni 5th June khan bul tan a ni. He Project hlawhtlinna tura khaw 22 thlanchhuahah te hian MZU Forestry Department-a mithiamte'n a leilung sik leh sate an zirchiang hmasa anga, a leilung mila thlai chin tur bikte zirchian hmasak a ni bawk ang.

Meeting-ah hian Pu J.Lalzamliana, Director Agriculture/Project Director, Green-Ag Project (GEF-6) bakah TSG Members te an tel a ni.