India ramin zalenna a hmuh champha vawi 68-na chu vawiin Dt. 15th 2014 hian Mamit khelmualah ropui takin lawm a ni a. He hun hi Pu John Rotluangliana, Minister, FCS&CA, etc. chuan khuallian nia hmanpuiin zing dar 10:00 ah India Hnam Puanzar pawtpharhin Parade Contingents 10 te hnam puanzar chibai buk a chhang let a ni.

Khuallian chuan thusawiin kan ram tana zalenna champha vawi 68-na ni ropui tak hmang thei kalkhawmte chibai bukin kan ram zalenna sualtu hruaitu hmasa te zahna chibai a buk bawk a. Zalenna an nei hi a hlu em em a. Chuvangin, a humhalh kawngah pawh mitinten mawphurhna kan nei theuh a ni a ti.

Khuallian chuan Mizoram sorkar chuan mirethei leh chanchai ten lei rem an lo rah ve na turin NLUP a kalpui mek a. Tuna ruahmanna awmsa hi tihfel a nih hunah chuan chhungkua 1,35,000 in NLUP dawng tura thlan a ni dawn a ni. Mizoram sorkarin chhungkaw engemaw zah NLUP dawng awm an la awm tih a hria a. Chuvangin, NLUP Apex Board chuan kum 2015-2016 atanga chhiara kum 5 chhung chu NLUP hi chhunzawm leh nise tiin a rel bawk a ni. NLUP dawng tu zawng zawng te taima tak leh rinawm taka mahni hna theuh thawk turin a chah bawk a ni.Mamit District chhungah hian chhungkaw 1967 hnenah NLUP tanpui nan cheng vaibel 12 pek chhuah a ni tawh a.

Khuallian chuan sum harsatna leh buhfai duh khawp allotment hmuh lohna karah FCS&CA department chuan mipui hnenah rual khai takin buhfai a la sem chhunzawm thei zel a. Ration Card computerisation hna End to End Computerisation of Targeted Public Distribution System chu chak taka kalpui mek a ni a. Ration Card 66.90% chu computerized a ni tawh. He hna hi zawh fel a nih hunah chuan ration card lem leh diklo te tihbo nan a tangkaiin buhfai tihchingpen thlengin a veng dawn a ani. Ei rawngbawlna gas sem chhuah kawngah sorkar chuan thuneihna engemaw chen a neih theih nan Department chuan Essenial Commiodities Act, 1995 siam that rawtna a siam a. 5 Mega Tonne capacity LPG Bottling Plant leh Petrol leh oil dah khawlna tur Fuel Depot siam anih theih nan Department chuan Indian Oil Corporation a dawr mek bawk a ni.

District pariat ah High Security Registration Plate vuah hna kalpui niin vawiin thleng hian lirthei 56,387 ah High Security Plate hi vuah a ni tawh a. District inah motor Smart Card registratuon kalpui niin tun thleng hian Motor 65,031 register a ni tawh bawk. JNNURM hnuaia Urban Bus 17 lei tawh belhchhah nan Urban Bus 70 dang lei belh turin hmalalk mek a ni bawk. Bairabi - Sairang rel kawng siam hna thawh tan thuai anih theih nan sorkar chuan theihtawp a chhuah mek reng a ni.

Khuallian chuan Mamit District khaw hrang hrangah tui lak hnathawh mek a ni a. Tut lui pumpna turin ruahmanna siam mek a ni.RGGVY Scheme hnuaiah khaw 82 ten eng an neih nan hmalak mek a ni a. Tunah hian Bairabi atanga Electric Power Supply lakluh tuma hmalak mek a ni bawk.Boruak muanawm tak hnuaiah kumin chhung hian Bru Repatriation neih chhunzawm leh a ni a. Zomuantlang leh Kanhmun facilitation Centre ah Police duty tir an ni a.Marpara Police Station leh Zawlnuam Police Outpost building sak a ni a. Kawrthah ah Police Station Building sak mek a ni bawk.

Khuallian chuan zalenna ni lawm tura mipui lo kalkhawm zawng zawngte ram hmangaihna rilru pu a, in lungrualna nena ram hmasawnna tura theihtawp chhuah turin a sawm bawk a ni.

Independence Day 2014 lawmnaah hian Parade Contingents - Armed Contingent 1 leh School contingents 9 leh Govt Mizo High School Pipe Band Aizawl te tel in heng zingah hian 1st JNV School, 2nd St. Francis of Assisi School (Girls) leh 3rd chu St. Francis of Assisi School (Boys) te an ni. Parade Commander hi S.I. Dhyan Singh Minhas a ni.

Khuallian hian Mamit Damdawiin tlawhin damlo 21 te hnenah thilpek a hlan bawk a ni.Tourist Lodge, Mamit ah chhun 12:00 (noon) hian sawm bikte pualin VIP’S at Home buatsaih a ni bawk.

Independence Day 2014 lawmna chi khat Football leh Volley Ball final khelh a ni a. Football hi Rengdil leh Venghlun, Football Club ten an khel a. Volley Ball Final hi hi Govt. Mamit College leh Zodin Volley Ball Club ten an khel bawk a ni.

Attachment

  • Loading attachment...