Vawiin khan Industries Department huaihawtin Mamit DLAO Hall-ah ‘Industrial Motivation Campaign-cum-Training on Food Processing And Handloom & Handicrafts Industries’ neih a ni a, Training hi Mamit DC Pu Rodney L. Ralte-in a hawng. Hawnna inkhawm hi Sub-Divisional Industries Officer, District Industries Centre, Mamit Pi K. Zothanpuii-in a kaihruai a, Industries Department Director Pu Zothankhuma’n training chungchang thuhmahruai a sawi bawk.

He Campaign-cum-Training-ah hian Industries Department-a mithiam ten Incentive/Subsidies chungchang te, Food Processing kalhmang te, Handloom & Handicrafts Industry bultan dan tur te, Skill Development bakah PMEGP chungchangah kalkhawmte an hrilhfiah a ni.

May ni 2 - 4 chhung hian Awareness leh Training hi Mamit-ah neih zui a ni ang a, Food Processing leh Handloom & Handicrafts Scheme hrang hrang chungchangah Department officials ten training an pe dawn a ni.