3298/2024-2025

Dated: Mamit the 29th of November, 2024 : Vawiin chawhnu khan No Tolerance Week 2024 denchhenin Mamit khawpui chhung hmun 4 ah lirthei vei vakte surprise checking neih a ni.

Pu Pukhraj Kamal, IPS  SP Mamit chuan kan hmalawka Krismas leh kumthar mipui te'n hlim leh thlamuang taka kan hman theih nan dan phalloh thil chi hrang hrang rui chunga lirthei khalhte, ruihhlo phurte,  mipui nun ti ralmuanglo theite ven nan leh tihzia awm nan surprise checking neih a nih thu a sawi.

Vawiin lirthei check hi Dinthar kawn, Charkawn, Field veng leh Highway-ah te lirthei veivak zawng zawng  document fello te endik a nih bakah ruihhlo phur leh ruichunga lirthei khalh an awm leh awm loh uluk taka endik an ni a. Lirthei 329 endikah 29 fine tir atangin Rs. 38,000/- (singthum sangriat) hmuh a ni. Kawn hrang hranga duty-na hmunte hi SP Mamit chuan a hmunah kalchilhin a tlawh a ni.