Aizawl, the 27 February, 2015 : Vawiin khan Department of Health & Family Welfare buatsaihin nausen kum 1 hnuai lam thi tih tlemna atana hmalak nan Mamit khaw chhungah Baby Show nausen kum 1 hnuai lam tan buatsaih a ni.
Chawhnu lamah lawmman semnna leh nu leh nausen hriselna chungchangah inzirtirna neih nghal a ni bawk a, Chief Medical Officer Dr Hmingthanmawii pawhin he hunah hian thusawiin he programme neih chhan te sawiin IMR hi hriselna lama ram changkang leh changkang lo teh fung pawimawh tak anih zia te sawiin, nausen kum 1 hnuai lam thi tih tlem a nih theihna atana nu leh pa mawhphurhna chi hrang hrang te a sawiin, Dr Jeremy V. Pachuau in nu leh nausen hriselna chungchangah zirtirna a pe bawk.
Vawiin Baby show ah hian lawmman pakhatna-in Rs 10000/- , pahnihna in Rs 8000 leh pathumna in Rs 5000/- an dawng a ,hei bakah hian Consolation Price mi 10 te hnenah Rs 2000/- theuhva sem a ni bawk.
