Vawiin khan I&PR Conference Hall, Mamit-ah RMSA Mamit huaihawtin Sensitization & Colsultation on Inclusive Education for Disabled at Secondary Stage (IEDSS) Programme neih a ni a. Pi Lalbiaksangi, District Bawrhsap chuan he hun hi a kaihruai.

He hunah hian Pi Lalnunthari, DPC RMSA chuan mi pangngai leh mi hrisel thate tan chauh ni lovin zirna hi mi zawng zawng tan a nih avangin Mamit District chhunga naupang vohbikte'n zirna tha an dawn theih dan tur sawiho turin kalkhawmte a sawm a. Mamit District chhunga naupang vohbik awm zat, an rualban loh dan leh an dinhmun thenkhat a tarlang bawk.

Pi Rozamliani, Special Educator chuan Highlight of the Sensitization neiin IEDSS thil tum, IEDSS hnuaia hamthatna hrang hrang awmte, vantlang leh kohhran zinga an harsatna tawh theihte leh a sutkian dan tur te,  Rualbanlo Identity Card neih dan leh Identity Card neite'n Sorkar hna atana vohbik an nih theihnate a sawifiah a ni.

He Programme-ah hian Rualbanlo nu leh pate, Village Council, MHIP, YMA, Bank lam aiawh leh Kohhran hrang hrang atangtein an tel a. Kalkhawmte hian naupang vohbikte'n zirna tha an dawn theih dan tur chungchang sawihona Group Discussion an nei a ni.