Vawiin khan Chhim Veng YMA Hall, Mamit-ah ISOPOM hnuaia Oil Palm chingtute hnenah tanpuina Pu P.C. Zoramsangliana Minister Transport, etc. chuan a sem.

He tanpuina sem inkhawm, Pu Lalsanglura Sailo, DAO, Mamit kaihhruaiah thusawiin khuallian Pu P.C. Zoramsangliana, Minister, Transport, etc. chuan chawimawi tlakte thilpek hlanna hun hmang thei a a awm avangin a lawmawm tak zet a ni a ti a. Mamit District hi Oil Palm chin nana duh thusam anih thu sawiin tih tak zeta hnathawk tute tan hlawhtlinna a awm a ni a ti a. Mahni huan leh ramah te mahni tan hna an thawk a, chumi piah lamah sawrkarin tanpuina min han pe leh zel te hi a ropui hle a, sawrkar chungah pawh lawmthu kan sawi a pawimawh a ni a ti. Khuallian chuan sawrkarin miretheite dawm kanna turin ruahmanna kawng hrang hrang a duang zel a, hei hi mi taima leh mi ti tak tak te tan chuan hlawhtlinpui tham a ni tiin tuna tanpuina an sem te pawh hi hlawk tak leh tangkai taka hmang turin kut hnathawk hlawhtling kalkhawmte chu a chah bawk a ni.

Pu John Rotluangliana, Deputy Speaker Bialtu MLA ni bawk pawhin thusawiin Mizoramah hian hlawhtlinna tak tak nei tur chuan kut hnathawh hi kan in zirtir a ngai a ni tiin kan hnathawh hun chhung pawh hi ram hmasawnte thawh dan han khaikhin chuan a nei rei lo deuh a ni a ti a. Hna chi hrang hrang thawk lawr duat duat lova hna bil kan neih te hlawhtlinpui ngei tura thawk turin kalkhawmte a chah bawk.

Vawiin ni ah hian Tanky siamna dawngtu mi 91; Halfmoon Terrace laihna dawngtu mi 134, Power Weeder dawngtu mi 13, rangva dawngtu mi 14, intercrop ching tur mi 240 thlanchhuah te zinga mi engemawzat te hnenah tanpuina hi sem a ni ani a. Tanpuina te hi Pu P.C. Zoramsangliana, Minister, Transport etc. leh Pu John Rotluangliana, Deputy Speaker ten an sem a ni.

Tanpuina dawngtute hi Mamit District chhunga khaw hrang hrang atanga thlanchhuah ten an dawng a ni.