Vawiin khan I&PR Conference Hall, Mamitah Power & Electricity Department buatsaih Pradhan Mantri Sahaj Bijli Har Ghar Yojana- Saubhagya Scheme hawnna Pu Jacob Lalawmpuia, Mamit Addl.DC thar chuan a nei.

Pu Jacob Lalawmpuia, Addl.DC Mamit chuan in tina Electric eng chhit theihna tura Sorkarlaipui hmalakna chu thil lawmawm tak anih thu sawiin India ram chu hmasawnna khairual lo tak kara khawsa kan nih avangin thenkhat Electric eng luh reng reng lohna khua tam tak a la awm a, Electric eng luh tawhna khuaah pawh eng nei lo in tam tak an la awm thu leh kan District phei chu Backward District kan nih avanga thawktute pawh thahnemngai taka thawk turin a chah. Eng la nei velo te'n eng an neih ve theih nan a changtu Department kan ni ve chiah lo anih pawhin a changtu Department-te puitu nih tum theuh turin kalkhawm mipuite a sawm bawk a ni.

Pradhan Mantri Sahaj Bijli Har Ghar Yojana - Saubhagya hi India Sorkarin chhungtin te'n Electric eng kan neih theihna tura Cheng Vaibelchhe 16320 senna tur Project niin India ram pum atan India Prime Minister Narendra Modi chuan September Ni 25, 2017 khan a hawng a. He hna pawimawh tak hi December 2018 ral hma ngeia zo tura ruahman a ni bawk.

Launching Programme hi Pu Lalzorama, EE, P&E Department, Mamit chuan kaihruaiin kalkhawmte hnen atanga zawhna hrang hrang, hmalak tawh dan leh hmalak zel dan tur leh duhkhawp loh lai te sawihona neih nghal a ni bawk.

Vawiin Launching Programme-ah hian Mamit khawpui chhunga tlawmngai pawl hrang hrang, khawtlang hruaitute leh Zirlai pawlte bakah Sorkar Department hrang hrang aiawhte an tel a ni.