Vawiin khan DC Conference Hall Mamit-ah Pu Lalthangpuia Sailo, IAS, Commissioner & Secretary, AH&Vety/SYS/ GAD/ & Electoral Roll Observer Mamit kaihhruainain Electoral Roll chungchangah Meeting neih a ni.

Meeting-ah hian Mamit District Electoral Roll Observer chuan India khua leh tui dik takte Roll-ah an chuan ngei theih nan Roll Revision neih thin a nih thu a sawi a. Ngaihtuahna fim tak nen a tul anga Roll -a thun luh emaw, paih emaw, transfer emaw, tihdikna bakah thil tul dang dangte chu buaipui thin turin a buaipuitu Officials te chu a chah a. Roll Revision neih dan chungchang hi Election Commission of India-ah tum thum lai a Visit Report thehluh a ngaih tur thu a tarlang a. Tluang leh tha taka Roll Revision-te neih a nih theih nan Officials te leh Party Workers te bakah tlawmngai pawl hrang hrangte thawhhona chu a pawimawh em em a ni tih a sawi bawk.

Meeting hian MP Election kan hmachhawn turah tuna Electoral Revision kalpui mek hi a pawimawh dawn thu tarlan niin Roll Revision buaipuitute pawhin a hun takah tul hrang hrangte buaipuiin kokim zawka hearing-te neihpui thin nise tih a ni.

Roll-a chuangte thenfai (Roll Purification) chu hun rei tawh tak atang khan ECI Instruction anga kalpui mek a nih thu tarlan a ni a. He thenfai hnaah hian Roll a chuang thi tawhte thaibo leh Roll-a chuang lo tur chuangte thenfai bakah khua leh tui dik tak, kum tling tharte chu an chuan ngei theih nana Continous updation tih thin a nih thu tarlan a ni bawk.

Roll Revision chungchanga hearing neihna-ah Mizote chu inhmaizah kan pek nat thin avangin thil dik lo awm thei ni-a hriat a ni a. Hemi avang hian hearing neih dawnah Officials te'n Party Workers leh tlawmngai pawl hearing-na a tel turte chu a tul anga briefing neihpui thin nise tiin Meeting hian a rel bawk.

Vawiin Meeting-ah hian District Election Officer Pu Vanlalngaihsaka, IAS, ERO, AERO, Political Party aiawh, tlawmngai pawl aiawhte bakah thutharthehdarhtute an tel a ni.

Attachment

  • Loading attachment...