Vawiin khan Tourism Minister Pu Robert Romawia Royte chuan Union Tourism Minister Pu CK Alphons a chu New Delhi a a Office-ah a kawm a, Union Minister chuan Tourism Ministry sum hmanga Mizorama hma lak mek chungchang lo sawiin hna a muan avanga sum thar sanction a harsat theih dante a lo hrilh a. Ministry in a Record dan ziakin alo pe bawk.

Mizoram Tourism Minister chuan Mizoram-ah Sorkar thar a piang tawh a, Tourism chu Sorkar thar ngaihpawimawh te zinga mi anih avangin theihtawp an chhuah tan thu leh Tourism Ministry lam mit tlun tawk lohna lo awm thin te pawh siamthat chhoh mek anih thu a hrilh a. Mizoram hmakhua chu thui tak Tourism hlawhtlin leh tlin lohah a innghah tlat avang leh Zoram Sorkar thar chu hmala thar ve chauh an nih avangin Ni 14/1/2019 a Union Tourism Secy kuta DPRs thar 2 a submit chu sanction hram turin a ngen a, ama duhdana Sports leh Music chu Tourism kutke pawimawha siam a tum tur thu Sports & Youth Affairs Minister ni bawk Pu Roberta chuan Union Minister chu a hrilh a ni.

Minister chuan Union Minister hnenah chuan Mizoram Tourism Deptt in rampawn tanpuina (Externally Aided Project) an mamawh avangin chumi dil hlawhtling tura inhmakhawsuihna atan suma tanpuina an mamawh thu Pu Alphons a chu a hrilh a,Proposal a hnena submit turin Union Minister chuan Pu Roytea chu a chah nghal bawk.

Tourism Minister hian Pu CK Alphons chu Mizorama zin tur leh Tourism Projects thenkhat hawng turin a sawm nghal bawk a ni.

Minister hi Tourism Director Pu Biakthanmawian a tawiawm a ni.

Attachment

  • Loading attachment...