Vawiin khan Kumtluang Hall, CMO Office Mamit-ah Integrated Diseases Surveillance Programme (IDSP) Mamit District bultumin Mamit khawpui chhunga Thutharthehdarhtute (MJA) leh Tlawmngaipawl hrang hrangte tan Awareness Campaign on Rickettial Infection including Scrub Typhus chu Dr. Lalmuanawma Jongte, Senior Medical Officer/ District Surveillance Officer, Mamit hova neih a ni.

Vawiin Awareness Campaign-ah hian Awareness Campaign kaihruaitu, resource person ni bawk Dr. Lalmuanawma Jongte chuan Rickettsial & Scrub Typhus chungchang leh bihchianna a lem nen entirin zirtirna a pe a. Rannung seh natna chu khawvela lo hluar thar natna niin Kum 2002 kum vel atang khan India ramah pawh hmuhchhuah thar leh a ni a. He natna hrik hi sazute'n an thehdarh nia hriat anih thu leh India ram chhung State hrang hrangah hmuhchhuah anih tawh thu a sawi a. Mihringa a lo lanchhuah dan sawiin Ni 4 atanga Ni 20 inkarah a lan chhuah thin thute, he natna veite chuan khawsik sang tak 104°F - 105°F an neih thin thu leh thihna chance 40% anih thu a sawi a. Scrub Typhus veite enkawl dan turte leh he natna laka invendan turte bakah mipui vantlang hriat atana pawimawh tak tak a sawi bawk.

Vawiin Awareness Campaign-ah hian rannung seh natna tihrem dan tur hrang hrang bakah a inven dan tur zirho niin Public Education, Habitat Modification, Roden control leh Case Identification and Treatment chungchang sawifiaha inzirtir a ni bawk.

He hunah hian Mamit khawpui chhunga thutharthehdarhtute leh tlawmngaipawl hrang hrang aiawhte an tel tha hle a ni.