Tukin khan District Education Office, Mamit huaihawtin Rastriya Ekta Diwas (National Unity Day) 2019 Sardar Vallabhbhai piancham pualin Mamit khawpui chhunga zirlai naupangte'n Charkawn atanga Govt' High School thleng India ram chu tumah inenhranna leh inthliarna awm lohna ram a ni tih entirna atan kawngzawhna neih a ni.

He hun hmanpuitu Dr Lalrozama, IAS, District Bawrhsap chuan tanrual chu chakna a ni tiin India ram chu hnam hrang hrang cheng ni mah ila, ram hmasawnna atan pheikhai rual taka tumah inenhranna nei lova kal tlang dial dial turin a sawm a. India ram chu sakhaw hrang hrang betute, hnam hrang hrang chenna nimahse lungrual taka khawsa tlangin kan inunauna vawng nung zel turin a chah bawk.

He hun hi Pi R. Lalnunthari, District Education Officer Mamit chuan kaihruaiin kalkhawmte lawmna thu a sawi a. Pu Hmartawnluaia Vaiphei, Headmaster Govt, Mamit High School kaihhruaina-in India ram zelenna hnuaia lungrual taka kaltlang tura thutiamna neih a ni bawk.