982/2023-2024

Mamit 30th June, 2023 : Tukin khan Remna Ni-2023 kan lawm mek pualin Mamit Charkawn atangin Pu VL. Remliana, District Bawrhsap hovin remna Ni lawmna kawngzawh (Peace Walk) neih a ni.

District Bawrhsap chuan Remna Ni puala kawng zawh tura kalkhawmte remna chibai bukin, Remna tello-in hmasawnna a kal thei lova, kan ramin hmasawnna kan neihte chu remna zara kan neih a ni tiin, pawnlang chauh nilo, thinlung taka remna hlutzia hria-in, ramin remna leh muanna a neih chu vawngnung zeltu nih tum theuh turin kalkhawmte a chah a ni.

Kawngzawh tawpna hun hmangtu Pi Lalthangpuii Pulamte, SP Mamit pawhin remna tluantling ramin a neih zel nan mitinte kan theihna zawn theuhah tan la thar turin a chah bawk.

Vawiin Remna Ni puala kawngzawh inkhawm tawi hi Pi Caroline LB. Khiangte, SDO (S) chuan kaihruaiin, Mamit khawpui chhunga Sawrkar Department hrang hrang, khawtlang hruaitu, tlawmngaipawl aiawh, zirlai mi engemawzat te'n kawng hi an zawh a ni.