983/2023-2024

Siaha; the 30th June,2023: Tukin zing dar 6:00Am khan Siaha District Sports Commitee te bultumin REMNA NI champha phak vawi 37-na lawmna pualin PEACE WALK neih a ni.

REMNA KAWNGZAWH hi Vety Kawn, New Siaha atanga tanin District Playground,Siaha vaihpi thleng zawh a ni.

VETY kawn,New Siaha-a Kawngzawh tanna hun tawite hmanna-ah thu sawiin, Pu Lalhmunsanga Hnamte, Chairman District Sports Committee leh bawrhsap ni bawk chuan REMNA NI hmang theih tur hian MIZORAM hian kum 20 chhung buaina nasa tak leh tawrhna namen lo a lo paltlang tawh a,harsa taka kan neih REMNA hi hlut thiam i la,REMNA chhawm nun zel hi India khua leh tui tin te mawhphurhna a ni, tih hi tukin PEACE WALK kan neih tur hian a tharin min hriat nawn tir leh rawh se, tiin mipui te chahin, REMNA NI pual duhsakna mipui te a hlan bawk a ni.

Peace walk tanna leh kharna programme tawi  hman hi Pu H.Vabeitha, Sr.Vice Chairman,SDSC in kaihruaiin, Pu VL Lura Hauzel, Superintendent of Police,Siaha chuan lawmthu sawina hun hmangin PEACE WALK programme hi District Playground,Siaha Vaihpi-ah a khar ta a ni.