984/2023-2024

Dated Serchhip, the 30th June, 2023: Tukin zingkarah khan Remna Ni puala Remna kawng zawh (Peace Walk) DC Office tual Serchhip atanga neih a ni.

Hun bul tanna ah Pu James Lalnithanga, Addl. DC chuan Mizoram sawrkar GAD atangin Remna Ni puala kawng zawh (Peace walk) nei tura ruahmanna an siam thu sawiin, Serchhip district ah chuan District Sports & Youth Officer leh District Education Officer chu hma la tur beisei an nih thu a sawi a, anni ruahmanna ang hian District chhunga Sports disciple hrang hrang aiawhte leh Brilliant Higher Secondary School leh New Serchhip Secondary School zirlai naupangte he hunah hian an tel thu a sawi a ni.

Remna kawng zawh hi DC Office tual atanga UD&PA Office tual thlenga neih tura ruahman lawk chu ruah a sur avangin IOC kawn thlenga neih a ni ta thung a ni.

Vawiin vek hian Serchhip khawpui chhunga Village Council hrang hrangten faina hnatlang an nei a, Jt Village Council leh Sub Headquarters YMA te chuan Environment, Forest & Climate Change Department te nena tangkawpin thingphun hnatlang an buatsah. Tin, Vawiin vek hian Health Department chuan Buangpui khuaah Free Health Camp an buatsaih bawk.